“Habanako umeak” material didaktikoa DBHko 1. eta 2. mailetako ikasleentzat da, baina material didaktiko gisa interesgarria izan daiteke DBHko 3. eta 4. mailetakoGeografia eta Historia, Atzerriko Lehen Hizkuntza (ingelesa), Balio zibikoetan eta etikoetan oinarritutako hezkuntza, eta Digitalizazioa irakasgaietarako ere.

Materialaren helburu nagusia da ikasleek Euskal Herrikohistoriako funtsezko gertakariak ikastea eta, aldi berean, hizkuntza-aniztasunaren garrantziaz jabetzea eta beren ingeles-ezagutzak praktikatzea, bideoen eta komiki-erako irudien bitartez,modu entretenigarri eta didaktikoan. Materialeko protagonistak ikasleen adin-tarte bereko haurrak dira. Gainera, materialaren edukiak erraztu egiten du ikasleek sakonago ezagutu ahal izatea bai egungo gizarteen
erronkak, hala nola errefuxiatuak hartzea, bai balio zibikoen garrantzia gizartean elkarrekin bizitzeko. Gainera, emakumezko pertsonaia protagonistek funtsezko zeregina betetzen dutenez, genero-ikuspegia balioesten laguntzen du. Hezkuntza zeharkako ikuspegiaz biltzearen garrantzia kontuan hartuta pentsatutako materiala da, ikasleek ezagutzak modu bizigarriagoan eta sakonagoan barnera ditzaten.

1.- HELBURU OROKORRA

1.- Euskal Herriko historiako gertakari garrantzitsu bat ezagutzea, Gernikako bonbardaketa, hain zuzen ere, baita Gerra Zibilean milaka ume euskaldunek jasan zuten nahitaezko emigrazioa ere.

2.- Emakumeek gure historiako funtsezko gertaeretan izandako parte-hartze garrantzitsua balioestea, eta balio zibikoak ere bai: elkartasuna, errespetua eta elkarrizketa, besteak beste.

3.- Eleaniztasunak eta hizkuntza-aniztasunak egungo gizartean duten garrantzia ezagutzea, balioestea eta errespetatzea, gizarte-kohesioa sustatzeko elkarrizketa-faktore gisa erabiltzeko.

4.- Ikasleei teknologia digitalak erabiliz ikaskuntza-trebetasunak garatzen ikastea ahalbidetuko dieten tresnak praktikan jartzea.

2. – HELBURU DIDAKTIKOAK

1.- Euskal Herrirako oso garrantzitsuak izan ziren gertakari historikoen testuingurua ezagutzea eta bai denboran bai espazioan kokatzea.

2.- Eleaniztasunaren balioa ezagutzea, gero eta interkonektatuago dagoen munduan, non hainbat hizkuntza ondo ezagutzeak informazioa eskuratzea errazten duen, behar bezala moldatzeko.

3.- Genero-ikuspegiaren adibide bat eskaintzea.

4.- Materialaren helburu nagusia da hainbat irakasgaitan zeharka erabiltzeko material grafikoa ematea.

3. – FUNTSEZKO GAITASUNAK (irteera-profilean jasoak)

– Gaitasun eleaniztuna- GE1, bereziki GE2, GE3
– Gaitasun digitala- GD1, GD2, GD·
– Herritartasunerako gaitasuna- HG1, HG2, HG3, HG4, bereziki HG3 eta HG4
– Gaitasun pertsonala, soziala eta ikasten ikastekoa- Bereziki GPSII4, GPSII5
– Hizkuntza-komunikaziorako gaitasuna
– Kultur kontzientzia eta adierazpenerako gaitasuna

4.- EDUKIAK

– Bitarteko digitaletan denbora-lerroak egiteko eta informazioa bilatzeko teknikak.

– Gizarte historikoen eta egungo gizarteen arteko desberdintasunak eta antzekotasunak antzemateko, aztertzeko eta alderatzeko teknikak.

– Genero-rolak. Botere-rolak dituzten emakumeen parte-hartze aktiboaren behaketa.

– Eleaniztasunak eta hizkuntza-aniztasunak bizikidetzarako eta ezagutza eskuratzeko duten garrantziaren behaketa.

– Herritarren parte-hartzea. Gizarte zibila. Giza eskubideekiko errespetua eta balio zibikoetan oinarritutako hezkuntza.

5.- TESTUINGURU METODOLOGIKOA

“Habanako umeak” materialak aukera ematen die ikasleei gertaera historikoak ikasteko eta gaur egungo ikuspegian kokatzeko, diziplina anitzeko eta zeharkako ikuspegiarekin. Modu praktikoan garatzea ahalbidetzen duten tresnekin, material didaktikoak hainbat ikuspegiri heltzeko aukera ematen du gertakari historikoak ezagutzen hasteko eta atzerriko beste hizkuntza bat praktikatzeko, modu didaktiko eta atseginean. Horrez gain, ikasleek Balio zibikoetan oinarritutako hezkuntza irakasgaian barneratutako ezagutzak eta balioak aplikatzeko testuingurua eskaintzen du.

6.- EBALUAZIO-IRIZPIDEAK

Mota orotako informazio-iturriak kontsultatzen ditu.
Gertaera historikoen berri emateko lanak diseinatzeko eta egiteko funtsezko osagaiak ezartzen ditu.
Bakarkako lanean ahalegina egiten du eta modu autonomoan aritzen da, erantzukizunez eta jardunez.
IKTak behar bezala ezagutzen eta erabiltzen ditu informazioa bilatzeko eta hala bakarkako nola taldekako lanak egiteko tresna gisa.
Talde-lanarekiko jarrera positiboa du, baita zereginekiko jarrera kolaboratibo eta arduratsua ere, eta desberdintasunak pertsonenganako errespetuz eta tolerantziaz onartzen ditu.
Eztabaidetan modu aktiboan parte hartzen du, argudioak emanez, eta gainerakoen txandak eta iritziak errespetatzen ditu.
Eskubide-berdintasunean eta genero-berdintasunean oinarritutako hezkuntzaren garrantzia aitortzen du.

7.- EBALUAZIO-TRESNAK

Ikasleak egindako bakarkako eta taldekako ariketen eta lanen jarraipena.

Egindako lanak.